Así mesmo, tamén é a responsable da política sobre o voluntariado que se quere impulsar desde a Xunta de Galicia, co obxectivo de deixar atrás antigos tópicos sobre o voluntariado e que busca un novo xeito de canalizar as aspiracións e a participación de moitas mulleres e homes que desexan construír unha sociedade galega máis xusta e harmoniosa.

Todas as accións realizadas desde esta dirección son realizadas baixo tres premisas básicas: a participación de toda a mocidade, a resposta aos problemas reais da mocidade galega e a reformulación do actual concepto de políticas de voluntariado para adaptalo ás novas demandas da sociedade.